Dağıstanda Azərbaycan vətəndaşı barəsində cinayət işi açılıb.
Busaat.az bildirir ki, bu barədə “Molodyoj Daqestana” nəşri Rusiya İstintaq Komitəsinin yerli idarəsinə istinadən məlumat yayıb.
İttihama görə, sentyabrın 25-də Dağıstanın Xasavyurt şəhərində kirayədə yaşayan 59 yaşlı kişi münaqişə zəminində oğlu tərəfindən öldürülüb: “Oğul atasına çoxsaylı həyatı təhlükəli zərbələr endirdikdən sonra onu boğub”.
Şübhəli saxlanılıb, ona qarşı Rusiya Federasiyası Cinayət Məcəlləsinin 105-ci (qətl) maddəsinin 1-ci hissəsinə əsasən cinayət işi açılıb