Rusiya, İran, Suriya və Türkiyə arasında Türkiyə ilə Suriya arasında münasibətlərin normallaşmasına dair dördtərəfli görüş bu gün Moskvada xarici işlər nazirlərinin müavinləri səviyyəsində keçiriləcək.
Busaat.az xəbər verir ki, Moskvada mövzu ilə bağlı məsləhətləşmələrin texniki xarakter daşıyacağı və dörd ölkənin yüksək səviyyəli diplomatları arasında danışıqların planlaşdırılmasına imkan verəcəyi gözlənilir.
Yüksək rütbəli diplomatlar arasında görüş əvvəllər mart ayına planlaşdırılsa da, təxirə salınıb.
Rusiya xarici işlər nazirinin müavini Mixail Boqdanovun TASS-a verdiyi açıqlamaya görə, görüşün təxirə salınması qərarı bəzi tərəfdaşların buna tam hazır olmadığı üçün qəbul edilib.
Mənbənin sözlərinə görə, bütün iştirakçı nümayəndə heyətləri xarici işlər nazirlərinin görüşünə hazırlıqla bağlı zəruri məsləhətləşmələr aparmaq üçün artıq Moskvaya gəliblər.
Busaat.az
