Koreya Xalq Demokratik Respublikası (KXDR) ərazisində koronavirusa yoluxma faktı qeydə alınmayıb.
Busaat.az xəbər verir ki, bu barədə ölkənin dövlət orqanı “Rodong Sinmun” məlumat yayıb.
Ötən gün KXDR-in qərbində yerləşən Kanxvado adası ərazisində yerli gənclərdən birinin COVID-19 virusuna yoluxması ilə bağlı məlumatlar yayılmışdı. Şimali Koreyanın Epidemiya ilə mübarizə təşkilatı açıqlayıb ki, KXDR-ə qayıtmış gəncin koronavirus analizləri onun infeksiyaya yoluxduğunu deməyə əsas vermir.
Bununla belə yerli hakimiyyət virusa yoluxduğu şübhə edilən gəncin əlaqədə olduğu şəxsləri müəyyənləşdirməyə başlayıb.
