Yunanıstan mətbuatı yanvarın 13-də Rodos adasının qərbindəki Egey dənizinin sahilinə şübhəli bir qayığın yaxınlaşdığı, yerli sakinlərin məsələ ilə bağlı polis və sahil təhlükəsizliyi briqadalarına məlumat verdikləri barədə xəbər yazıb.
Busaat.az “Anadolu” agentliyinə istinadən məlumatına görə, bildirilir ki, İzmirdə kirayələnən qayıqda biri qadın olmaqla, 13 nəfər olub və onlar özlərini “Gülənçi” kimi təqdim edərək, Yunanıstandan sığınacaq istəyiblər. Yunanıstan tərəfi onların sığınma istəyini nəzərdən keçirəcək.
Qeyd edək ki, Türkiyədən Girit adasına qaçan altı FETÖ üzvü də yanvarın 10-da bu ölkəyə sığınmaq üçün müraciət etmişdi. Özlərini “Gülənçi” adlandıran qrupda iki qadın da vardı.
