Ermənistanda II Qareginin əleyhinə aksiya keçirilməsi planlaşdırılırbackend

Dekabrın 27-də Ermənistanda Erməni Qriqoryan Kilsəsinin rəhbəri II Qareginə qarşı aksiyanın keçirilməsi planlaşdırılır.

Busaat.az “SputnukArmenia”ya istinadən xəbər verir ki, bu barədə “Facebook” üzərindən çağırışlar edilir.

Aksiyanın II Qareginin Eçmiədzindəki iqamətgahının qarşısında keçirilməsi nəzərdə tutulur.

Ermənistan Baş Prokurorluğu iştirakçıları aksiya zamanı təhqiramiz ifadələrdən istifadə etməməyə, dindarların heysiyyətini təhqir edəcək addımlardan çəkinməyə çağırıb.

Qeyd edək ki, II Qaregin Ermənistanın baş naziri Nikol Paşinyanın istefasını tələb etmişdi.