Ermənistan milli futbol komandasının kapitanı, İtaliyanın “Roma” futbol klubunun yarımmüdafiəçisi Henrix Mxitaryan ATƏT-in Minsk Qrupu həmsədri ölkələrinin prezidentlərinə – Vladimir Putinə (Rusiya), Emmanuel Makrona (Fransa) və Donald Trampa (ABŞ) açıq məktub ünvanlayıb.
Busaat.az erməni mediasına istinadən xəbər verir ki, futbolçu açıq məktubda prezidentlərə əməlli-başlı yalvarıb.
Onun məktubunda deyilir:
“İkinci həftədir ki, şiddətli döyüşlər davam edir. Gənclərimiz cəbhə xəttində ölürlər. Sizdən artıq dərəcədə, ürəkdən xahiş edirəm, bu humanitar faciəni dayandırın. Tərəfləri sülh danışıqlarına qaytarmaq üçün əlinizdən gələni etməyə çağırıram”.
O daha sonra məktubunda Dağlıq Qarabağda aparılan hərbi əməliyyatların nəticələrinə görə Azərbaycanı həyasızcasına ittiham edib.