Həbsdə olan icra başçısının yerinə təyinat

image-ilham0backend

Azərbaycan Prezidenti İlham Əliyev Cəlilabad rayonuna yeni icra başçısı təyin edib. 

Busaat.az  xəbər verir ki, dövlət başçısının sərəncamına əsasən, Rafiq Əsgər oğlu Cəlilov Cəlilabad Rayon İcra Hakimiyyətinin başçısı təyin edilib.

Qeyd edək ki, Prezident bu gün digər sərəncamla Rafiq Cəlilovu İqtisadiyyat Nazirliyi yanında Əmlak Məsələləri Dövlət Xidmətinin rəis müavini vəzifəsindən azad edib.

Xatırladaq ki, Cəlilabadın sabiq icra başçısı Namiq Zeynalov 2020-ci ilin dekabrında həbs edilib. Ona Cinayət Məcəlləsinin 179.2.2 (Mənimsəmə və ya israf etmə təkrar törədildikdə) 179.2.3 (şəxs tərəfindən öz qulluq mövqeyindən istifadə etməklə törədildikdə); 179.2.4 (xeyli miqdarda ziyan vurmaqla törədildikdə), 308.2 (Vəzifə səlahiyyətlərindən sui-istifadə), 311.3.3 (külli miqdarda rüşvət alma), 311.3.2 (təkrar rüşvət alma), 313-cü (Vəzifə saxtakarlığı) maddələri ilə ittiham verilib.

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90