“Rusiya prezidenti Vladimir Putinin taktiki nüvə silahından istifadə etməsi ehtimalı artır. Bu Kremlin Ukraynada üzləşdiyi problemlərlə bağlıdır”.
Busaat.az xəbər verir ki, bunu ABŞ prezidentinin milli təhlükəsizlik üzrə keçmiş müşaviri və Vaşinqtonun BMT-dəki sabiq səfiri Con Bolton “Sky News”a müsahibəsi zamanı bildirib.
“Rəsmi Moskva işğaldan sonra heç vaxt olmadığı qədər ciddi çətinliklərlə üzləşib. Hesab edirəm ki, nüvə silahından istifadə edilməsi Putinin intihar məktubunu imzalaması olar. Nüvə silahından istifadənin qarşısı alınmalıdır” –deyə, sabiq müşavir qeyd edib.
Xatırladaq ki, bundan əvvəl Rusiyanın Müdafiə naziri Serqey Şoyqu və Təhlükəsizlik Şurasının sədri Dmitri Medvedev ölkənin özünü müdafiəsi üçün bütün silahlardan, o cümlədən nüvə silahından istifadə edə biləcəyini açıqlayıb.
