Bu gün Azərbaycan milli komandası növbəti oyununu keçirəcək.
Busaat.az xəbər verir ki, yığmamız 2020-ci ildəki ilk görüşünə Millətlər Liqası çərçivəsində çıxacaq.
C liqasının 1-ci qrupunda mübarizə aparacaq komandamız Lüksemburqla görüşəcək. Qarşılaşma italiyalı baş məşqçi Canni de Byazinin debütü ilə əlamətdar olacaq.
Əsas hədəfi qrup qalibi kimi B liqasına yüksəlmək olan yığmamız Bakı Olimpiya Stadionunun azarkeşsiz tribunaları önündə oynayacaq. D liqasından C liqasına yalnız islahatlar sayəsində yüksələn milli bura layiq olduğunu da uğurlu nəticə ilə təsdiqləməlidir.
Qeyd edək ki, millimiz ikinci oyununu sentyabrın 8-də səfərdə Kiprə qarşı keçirəcək.
Millətlər Liqası
C liqası, 1-ci qrup
I tur, 5 sentyabr
20:00. Azərbaycan – Lüksemburq
Hakimlər: Kristofer Kavanaq, Daniel Riçard Kuk, Sian Massi-Ellis, Pol Terni (hamısı İngiltərə)
Bakı Olimpiya Stadionu
Sportfan.az