“Mülki vətəndaşlarımıza və obyektlərə dəymiş bütün ziyanı qiymətləndirəcək” – Vüqar Bayramov

“Mülki vətəndaşlarımıza və obyektlərə dəymiş bütün ziyanı qiymətləndirəcək” – Vüqar Bayramovbackend

“Erməni təcəvüzü nəticəsində mülk vətəndaşlarımıza, sahibkarlarımıza dəyən ziyan Azərbaycan dövləti tərəfindən kompensasiya ediləcək”.

Busaat.az xəbər verir ki, bunu işğalçı ordunun cəbhə xəttində və döyüş zonasından uzaq şəhərlərimizə vurduğu ziyanla bağlı vəziyyəti dəyərləndirən deputat Vüqar Bayramov bildirib.

Vüqar Bayramov qeyd edib ki, hətta davam edən savaşda erməni işğalçıları tərəfindən mülki vətəndaşlara yeni ziyanlar dəyərsə, o da qiymətləndiriləcək və ödəniləcək:

“Azərbaycan Prezidentinin imzaladığı sərəncama əsasən, bu il sentyabrın 27-dən başlayaraq Ermənistan silahlı qüvvələrinin təcavüzü nəticəsində vətəndaşlara, dövlət əmlakına, o cümlədən infrastruktur obyektlərinə, habelə sahibkarlıq fəaliyyəti subyektlərinə dəymiş ziyanın qiymətləndirilməsi və aradan qaldırılması həyata keçiriləcək. Bu məqsədlə yaradılan Dövlət Komissiyası erməni təcavüzü nəticəsində mülki vətəndaşlarımıza və obyektlərə dəymiş bütün ziyanı qiymətləndirəcək. İşğalçı ordunun nəinki cəbhə xəttində, hətta döyüş zonasından uzaq şəhərlərimizdə də mülki vətəndaşları və obyektləri hədəfə aldığını nəzərə alsaq, dəymiş ziyanın miqyasının necə böyük olduğunu təsəvvür etmək çətin olmaz.

Dövlət Komissiyası qiymətləndirmə nəticələrinə əsasən, dəymiş ziyanın aradan qaldırılması, zərər vurulmuş obyektlərin tam bərpası üçün tələb olunan maliyyə vəsasitinin məbləğini də hesablayacaq. Dəymiş ziyan barədə nəinki yerli ictimaiyyətə, eləcə də beynəlxalq ictimaiyyətə, o cümlədən beynəlxalq təşkilatlara məlumat veriləcək. Bununla da, erməni təcəvüzü nəticəsində mülk vətəndaşlarımıza, sahibkarlarımıza dəyən ziyan Azərbaycan dövləti tərəfindən kompensasiya ediləcək. Bu dövlətin öz vətəndaşının yanında olmasının bir daha göstəricisidir. Eyni zamanda, davam edən savaşda erməni işğalçıları tərəfindən mülki vətəndaşlara yeni ziyanlar dəyərsə, o da qiymətləndiriləcək və ödəniləcək.

Qeyd edək ki, 30 illik işğal dövründə Azərbaycana dəyən ziyanın da qiymətləndirilməsi aparılacaq. İşğalçı ordu uzun müddət zəbt etdiyi torpaqlarımızıda infrastruktur və ekoloji soyqırım edib. Demək olar bütün tikililər dağıdılıb, meşələr məhv edilib. İşğaldan azad olunan yaşayış məntəqələrinin görüntüləri göstərir ki, əksər hallarda nəinki dağıldılmış evlərin yerlərini, hətta kəndlərin tam olaraq harada yerləşdiyini müəyyənləşdirmək çətindir. Bu isə işğal altında olan ərazilərimizdə erməni barbarlığının bir sübutudur. Beləliklə, Azərbaycan yeni, quruculuq mərhələsinə daxil olur. Bu mərhələ 30 illik həsrətin sona enməsi və uzun müddət işğal altında olan ərazilərimizə həyatın qısa zamanda qayıtması deməkdir”.

Gülay

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90