Neftçalada su peroblemi ilə bağlı tədbirlər həyata keçirilib (FOTOLAR)backend

Neftçala rayonunda Kürün deltasında ilk dəfə olaraq Xəzər dənizinin suyu çaya qarışıb. Nəticədə Neftçala şəhəri də daxil olmaqla, bir sıra kəndlərdə içməli su problemi yaranıb.

Rayon İcra Hakimiyyətindən SalamNews-a verilən məlumata görə, vəziyyətin ciddiliyi nəzərə alınaraq Neftçala Rayon İcra Hakimiyyətində Operativ Qərargah yaradılıb. Rayon ərazisində dərhal mövcud problem araşdırılıb və su çatışmamazılığı olan bütün ərazilər müəyyən olunub. Operativ Qərargahın nəzarəti “Azərsu” ASC tərəfindən Neftçala rayonu və kəndlərdə yaranan içməli su qıtlığı ilə bağlı əlavə tədbirlər həyata keçirilib.

Yenikənd, Qırmızı Şəfəq, Kürkənd, 1№-li Mayak, 2№-li Mayak və Şirvanlı kəndlərinin modul tipli sutəmizləyici qurğularına boşaldılıb. Eyni zamanda xüsusi ayrılmış iritutumlu su maşınları vasitəsilə mütəmadi olaraq Neftçala şəhərində Heydər Əliyev prospekti, M.Əsədov, A.Cəfərov, 20 yanvar, M. Qorki, Üzeyir Hacıbəyov küçələrində ümumilikdə 30-dan çox binaya və məhəllələrə su təminatı həyata keçirilib. Bundan başqa 1№-li Mayak, Qırmızı Şəfəq, Mikayıllı, Uzunbabalı və digər kəndlərə, həmçinin Bankə qəsəbəsinə maşınlar vasitəsilə su çatdırılıb.

Mövcud problemin həlli istiqamətində aparılan tədbirlər nəticəsində içməli su ilə təminat məsələsi həllini tapıb.

Rayon İcra Hakimiyyətindən verilən məlumata görə, vəziyyət nəzarətindədir növbəlilik prinsipinə uyğun olaraq su ilə təmin olunmayan ərazilərin ardınca təkrar olaraq digər ünvanlara da su çatdırılacaq.