İsrail Baş Naziri Binyamin Netanyahu ötən gün gizli şəkildə Səudiyyə Ərəbistanına səfər edib və burada vəliəhd Məhəmməd bin Salman ilə görüşüb.
Busaat.az xəbər verir ki, bu barədə İsrailin “Qaley Tsahal” radiostansiyası məlumat yayıb: “Baş nazir Netanyahu və Mossad rəisi Yosi Koen ötən gün Səudiyyə Ərəbistanında Səudiyyə vəliəhdi ilə görüşüb”.
Baş nazirin ofisi məlumatla bağlı açıqlama verməkdən imtina edib.
“Biz bu məlumatları şərh etmirik”,- deyə ofisin nümayəndələri “RİA Novosti”yə bildiriblər.
