Məlum olduğu kimi, elan edilmiş humanitar atəşkəs rejimini pozan Ermənistan silahlı qüvvələri ötən gün Bərdəni ikinci dəfə raket atəşinə tutub. Nəticədə 21 mülki şəxs həlak olub, 70-dən çoxu yaralanıb. Ümumi olaraq 2 gün ərzində Bərdədə ermənilər tərəfindən öldürülən mülki vətəndaşlarımızın sayı 26-ya çatıb.
Busaat.az qafqazinfo-ya istinadən dünən ermənilərin öldürdüyü mülki şəxslərin bir neçəsinin fotosunu təqdim edir:
1988-ci il təvəllüdlü İsmayılov Fuad İsa oğlu. O, Bərdə şəhər Tam Orta Məktəbində fizika müəllimi kimi çalışırdı.
.jpg)
1983-cü il təvəllüdlü Allahverdiyev Əsgər Mahir oğlu. Mərhum üç övlad atası olub.
1990-cı il təvəllüdlü Cəfərov Amil Fazil oğlu. Mərhum iki övlad atası olub.
Bərdə şəhər sakini, 1977-ci il təvəllüdlü Xıdırov İntiqam Ələmdar oğlu.
Gəncə şəhər sakini, 1991-ci il təvəllüdlü Şəfiyev Rəşad Vaqif oğlu. Mərhum Fövqəladə Hallar Nazirliyinin əməkdaşı olub.
Bərdə şəhər sakini, 1990-cı il təvəllüdlü Kazımov Dəyanət Tahir oğlu. İki uşaq atası olan mərhumun hadisə zamanı anası və 4 aylıq övladı da yaralanıb.
