Ermənistanın baş naziri Nikol Paşinyan özünü təcrid edib.
Busaat.az xəbər verir ki, bu barədə onun sözçüsü Mane Gevorkyan bildirib.
Mətbuat katibi qeyd edib ki, baş nazir epidemioloji vəziyyətə görə belə bir qərar qəbul edib.
Gevorkyan Paşinyanın koronavirus testinin nəticələri və sağlamlıq vəziyyəti ilə bağlı suallara münasibət bildirməyib.
Qeyd edək ki, Ermənistanda təsdiqlənmiş koronavirus infeksiyası hallarının sayı 160 min 853 nəfərdir. Xəstəlik səbəbilə 2 min 890 nəfər ölüb. 11 min 695 nəfər müalicə olunur.
