Moskva Hollandiyanın rus diplomatlarının sayını azaltmaq və Rusiya ticarət missiyasını bağlamaq qərarını münasibətləri pozmağa yönəlmiş qeyri-dost addım hesab edir və buna cavab verəcək.
Busaat.az “RİA Novosti”yə istinadən xəbər verir ki, bu barədə Rusiya Xarici İşlər Nazirliyi məlumat yayıb.
Qeyd edək ki, Hollandiya daha əvvəl ölkədəki rus diplomatlarının sayını məhdudlaşdırmaq qərarına gəlmişdi. Bu qərarla, Rusiya səfirliyinin 10-a yaxın əməkdaşı krallığı tərk etməli olacaq. Bundan əlavə, Hollandiya Rusiyanın Amsterdamdakı ticarət nümayəndəliyini bağlamaq qərarına gəlib.
Rusiya XİN isə cavabında qeyd edib: “Hollandiya tərəfinin 2022-ci ilin martında başlatdığı ölkədən çıxarmalardan təsirlənən Rusiya diplomatik missiyalarının fəaliyyəti üçün lazımi şəraitin yaradılması məqsədilə təxminən bir il ərzində çətin məsləhətləşmələr aparılıb”.
“Lakin fikir ayrılıqları demək olar ki, tamamilə aradan qaldırıldıqdan sonra Hollandiya, görünür, kənardan gələn təlimatları rəhbər tutaraq, danışıqlar prosesini pozdu”, – nazirlik əlavə edib.
