Ümid edirəm ki, Tehran və Moskva arasında hərtərəfli strateji əməkdaşlıq sazişinin layihəsi gələn ay yekunlaşacaq.
Busaat.az xəbər verir ki, bu sözləri İranın xarici işlər naziri Hüseyn Əmir Abdullahyan deyib.
“Mən çox şadam ki, ölkələrimiz arasında strateji tərəfdaşlıq haqqında hərtərəfli saziş layihəsi Rusiyada nəzərdən keçirilib və yekunlaşdırılıb”, – nazir bildirib.
“Yaxın bir ay ərzində ölkələrimizin xarici işlər nazirliklərinin hüquq idarələri bu sazişin layihəsini bitirəcəklər”, – Abdullahyan deyib.
O, qeyd edib ki, iki ölkənin nümayəndə heyətləri ən yüksək səviyyədə müntəzəm olaraq görüşür və müxtəlif məsələləri müzakirə edirlər.
“Prezidentlərimiz daimi birbaşa əlaqə saxlayırlar. Regional və beynəlxalq təşkilatlarda qarşılıqlı fəaliyyətimiz sürətlə davam edir”, – diplomat əlavə edib.
Busaat.az
