Türkiyə keçən il 96 ölkəyə püstə ixracından 229 milyon 777 min dollar gəlir əldə edib.
Cənub-Şərqi Anadolu İxracatçılar Birliyinin məlumatına görə, 2023-cü ildə Türkiyədən 150 milyon 906 min dollar dəyərində püstə ixrac edilib. 2024-cü ildə ixrac keçən il ilə müqayisədə 52 faiz artaraq 229 milyon 777 min dollara çatıb.
Keçən il Almaniya, İtaliya, Qazaxıstan, İraq, Qırğızıstan, Çin, Tacikistan, İngiltərə, Albaniya, Birləşmiş Ərəb Əmirlikləri, Hindistan, Türkmənistan, İsveçrə, İspaniya, Polşa, Malta, Qana, Yaponiya, Kuba, Rumıniya və Norveç daxil olmaqla 96 ölkəyə püstə ixrac edilib.
Almaniya Türkiyənin ən çox püstə ixrac etdiyi ölkədir. Türkiyə ötən il Almaniyaya 49 milyon 409 min dollarlıq püstə satıb. Almaniyanı 47 milyon 523 min dollarla İtaliya, 12 milyon 108 min dollarla Qazaxıstan izləyib.
