Türkiyədə 90-dan çox insan İŞİD-lə əlaqədə şübhəli bilinərək həbs edildi
Türkiyədə 90-dan çox insan İslam Dövləti terror təşkilatı ilə əlaqədə şübhəli bilinərək saxlanılıb.
Busaat.az xəbər verir ki, bu barədə Türkiyənin daxili işlər naziri Ali Yerlikaya özünün sosial media hesabında yazıb.
“Ərazi antiterror birləşmələrinin Türkiyənin Təhlükəsizlik Baş İdarəsi ilə koordinasiyalı şəkildə 26 vilayətdə eyni vaxtda həyata keçirdiyi “Əsirlik” əməliyyatı çərçivəsində İŞİD-lə əlaqədə şübhəli bilinən 92 nəfər həbs edilib”, – nazir qeyd edib.
“Terror təşkilatlarına və onların havadarlarına nəfəs almasına imkan verməyəcəyik. Terrorla mübarizəmiz son terrorçu zərərsizləşdirilənə qədər davam edəcək”, – Yerlikaya deyib.
