Xamenei ABŞ-dakı seçkiləri tamaşa adlandırdıbackend

İranın Ali Rəhbəri Seyid Əli Xamenei ABŞ-dakı prezident seçkilərini tamaşa adlandırıb.

Busaat.az  xəbər verir ki, bu barədə o, tvitter səhifəsində bildirib.

“ABŞ-da vəziyyət və onların öz seçkiləri barədə danışdıqları tamaşadır. Bu, liberal demokratiyanın biabırçı simasının nümunəsidir. Nəticədən asılı olmayaraq, bir şey tam aydındır – Amerika rejiminin birmənalı siyasi, vətəndaş və mənəvi tənəzzülü”, – Demokrat Co Bayden prezident seçkilərində qələbəsini elan etdikdən sonra Xameneinin tvitter səhifəsində edilən paylaşımda deyilir.

ABŞ-ın Dövlət katibi Mayk Pompeo isə Xameneinin sözlərinə belə cavab verib:

“Şəxsən siz xalqınızdan yüz milyonlarla dollar oğurlamısınız. Sizin seçkiləriniz absurddur, yüzlərlə namizədi hətta namizədliyini irəli sürməyə imkan vermirlər. Bu gün sizin millətiniz acdır, çünki siz öz kleptokratiyanızı qorumaq üçün əlaltılarınıza milyardlar xərcləmisiniz”.