Bu gün – 18 Oktyabr Cəbrayıl rayonunda yerləşən qədim Xudafərin körpüsünün Ermənistan Silahlı Qüvvələrinin işğalından azad edilməsindən 2 il ötür.
Busaat.az xəbər verir ki, 2020-ci ilin 18 Oktyabr tarixində Xudafərin körpüsü ilə yanaşı Cəbrayıl rayonunun daha iki yaşayış məntəqəsi – Hacılı və Hacı İsaqlı kəndləri işğaldan azad olunub.
Qədim tarixə malik Xudafərin körpüsü Azərbaycan-İran sərhədində, Araz çayı üzərində yerləşir. Hazırda üç orta tağı salamat qalıb.
Qeyd edək ki, “Xudafərin” və “Qız qalası” hidroqovşaqları və su elektrik stansiyalarının tikintisi davam etdirilir.
