“Real”ın baş məşqçisi Zinəddin Zidan karantinə alınıb.
Busaat.az İspaniya mətbuatına istinadən xəbər verir ki, buna səbəb fransalı mütəxəssisin koronavirusa yoluxmuş şəxslə təmasda olmasıdır.
O, komandanın son məşqində iştirak etməyib. Zidanın artıq koronavirus testi verdiyi və nəticənin neqativ olduğu bildirilir. Lakin qaydalara görə, o, ikinci dəfə test verməlidir. Həmin testin də cavabı neqativ olsa, baş məşqçi komandaya qayıtmasına icazə veriləcək. Növbəti testin cavabına qədər o, karantində qalacaq.
