Mesut Özildən “0:6” zarafatı
“Arsenal”ın ulduz futbolçusu Məsut Özil Millətlər Liqasının 6-cı turunda Almaniyanın İspaniyaya 0:6 hesablı məğlubiyyəti barədə paylaşım edib.
Busaat.az xəbər verir ki, o, almanların bu məğlubiyyətini zarafatla şərh edib.
Özil Tvitter hesabında “Jerom Boatenqi milliyə qaytarmağın vaxtıdır” yazıb.
Qeyd edək ki, Jerom Boatenq 2018-ci il dünya çempionatından sonra millidəki karyerasını başa vurub. Məsut Özil isə Türkiyə Prezidenti Rəcəb Tayyip Ərdoğanla foto çəkdirdiyinə görə irqçi təzyiqlərə məruz qalaraq yığmadan imtina etmişdi.
