Keniya polisi aprelin 24-dən bəri fermada və ətrafında aparılan qazıntılarda həyatını itirənlərin sayının 90-a yüksəldiyini açıqlayıb.
İddiaya görə, Beynəlxalq Xoş Xəbər Kilsəsinin Pastoru Paul Mackenzie Nthenge öz ardıcıllarından Malindi sahil şəhəri yaxınlığındakı Şakahola adlı fermaya gəlmələrini və Hz.İsa ilə görüşmək üçün ac qalmalı olduqlarını deyib. Nəticədə onun bir çox davamçıları aclıqdan ölüb.
Malindinin bağlı olduğu Kilifi rayonunun qubernatoru Gideon M. Munqaro fermada və ətrafında axtarış-xilasetmə işlərinin davam etdiyini bildirib: “Zərərçəkənlərin təcili ehtiyaclarını qarşılamaq üçün bütün mövcud resursları bir araya gətirə bildik”.
Busaat.az
