ABŞ-ın Qida Məhsulları və Tibbi Preparatların Keyfiyyətinə Sanitar Nəzarət İdarəsi (FDA) koronavirusa qarşı “Johnson & Johnson” peyvəndinin istifadəsini məhdudlaşdırır.
Busaat.az “İnterfaks”a istinadən xəbər verir ki, buna səbəb sözügedən vaksinin bəzi insanlarda qan laxtalanması sindromunu yaratması riski olub.
Bildirilir ki, “Johnson & Johnson” peyvəndindən sonra qeydə alınmış tromboz hallarının araşdırılmasının ardınca bununla bağlı tövsiyələr irəli sürülüb.
Qeyd edək ki, ABŞ-da təqribən 18,7 milyon nəfər insan “Johnson & Johnson” vaksinini qəbul edib.
