ABŞ: "İsrailin təhlükəsizliyini dəstəkləməkdə qərarlıyıq"

ABŞ vitse-prezidenti Kamala Harris HƏMAS-ın İsrailə qarşı hücumlarını pisləyib. Həmçinin, İsrailin təhlükəsizliyi üçün lazımi dəstəyi verməkdə qərarlı olduqlarını deyib.

Buaat.az-ın məlumatına görə, bu barədə Ağ Evin yaydığı yazılı açıqlamada bildirilib.

Xəbərə görə, Harris İsrail prezidenti İsaak Hersoqla telefonla danışıb.

Söhbət zamanı o, özü və əri adından həyatını itirənlərə başsağlığı verib, HƏMAS-ın hücumlarından zərər çəkən hər kəsə tezliklə şəfa diləyib.

Dəhşətli və görünməmiş hücumları pisləyən Harris, belə terror hücumlarına heç vaxt bəraət qazandıra bilməyəcəyini söyləyib.

O, ABŞ-nin İsrailin təhlükəsizliyinə sarsılmaz dəstəyini təkrar edərək, ölkəsinin İsrailə lazımi dəstəyi verməkdə qərarlı olduğunu vurğulayıb.