Məlum olduğu kimi, özünü qondarma “Dağlıq Qarabağ respublikası”nın “prezidenti” kimi təqdim edən Araik Arutyunyandan bir neçə gündür ki, xəbər yoxdur.
Busaat.az xəbər verir ki, onun feysbuk səhifəsində növbəti məlumat paylaşılıb. Bu dəfə də Araikin həyatda olduğunu sübut edən hər hansı görüntü yerləşdirilməyib.
Belə ki, onun adından yazılan postda bildirilib ki, Azərbaycanın işğal altında olan Dağlıq Qarabağ bölgəsində yaşayan ermənilərin Ermənistana köçürülməsi davam etdirilir. Bununla bağlı Ermənistanın paytaxtı Yerevanda operativ qərargah da yaradılıb.
