“Amerika Mahnı Müsabiqəsi” (“American Song Contest”) ilk dəfə 2022-ci il fevralın 21-də keçiriləcək.
Busaat.az eurovision.tv-yə istinadən xəbər verir ki, tədbir NBC telekanalı ilə canlı yayımlanacaq. ABŞ üçün yeni olan bu müsabiqə “Avroviziya”nın analoqudur.
Müsabiqənin təşkilatçılarının sözlərinə görə, formatın lisenziyası 2020-ci ildə Avropa Yayımları Birliyindən alınıb.
Müsabiqədə ABŞ-ın 50 ştatı və bir sıra digər ərazilərindən olan solistlər, qruplar və duetlər iştirak edə biləcək. İştirakçılar əvvəlcə seçim turunu keçməli, daha sonra yarımfinal və böyük finalda yarışmalı olacaqlar.
