Azərbaycanla Ermənistan arasında razılaşmalar “ermənilik ideologiyası”nı məhv edir – ŞƏRH

image-24dc42ec-b498-49c6-a598-8e0f17f7f719backend

Ermənistanın keçmiş Xarici işlər naziri Vardan Oskanyan mətbuata çıxışında bildirib ki,  beynəlxalq ictimaiyyət və Azərbaycan bilməlidir ki, Paşinyanın qərarı iki xalq arasında sülh gətirməyəcək. Baş nazir sənədi imzalasa belə, bu, yalnız tarixin təbii axarından müvəqqəti sapma olacaq.

Sabiq erməni nazirini bu fikirləri bildirməyə nə vadar edir? Azərbaycanla Ermənistan arasında sülh müqaviləsinin bağlanmasından niyə bu qədər narahat olur?  Mövzu ilə bağlı politoloq Fərhad Məmmədov Busaat.az-a açıqlamasında bildirib ki, Nikol Paşinyanın bəyanatı Azərbaycanla Ermənistan arasında ərazi bütövlüklərinin tanınması deməkdir ki, bu da onların yaratdığı “ermənilik ideologiyası”nın sütunlarını dağıdır:

 

“Təkcə Ermənistanın keçmiş xarici işlər naziri olan Vardan Oskanyan deyil, artıq bütün Avropada olan erməni diasporası, erməni kilsəsi və institutlar buna qarşı çıxırlar. 

Ermənistan baş naziri Nikol Paşinyanın bəyanatı Azərbaycanla Ermənistan arasında ərazi bütövlüklərinin tanınması deməkdir ki, bu da onların yaratdığı “ermənilik ideologiyası”nın sütunlarını dağıdır. 

Ona görə də bütünlükdə erməni diasporası, dünya erməniləri erməni müxalifəti hazırda Ermənistanda hakimiyyətdə olan iqtidarın bu siyasətinə ciddi təpki göstərirlər.

Amma nəticə etibarilə Oskanyan və onun kimi şəxslərin fikiləri heç bir əhəmiyyət daşımır. Əminliklə demək olar ki, iki ölkə arasındakı ərazi bütövlüyünün tanınması beynəlxalq qaydalara uyğun olduğu üçün burada heç bir maneə ola bilməz”.

Bünyamin Bünyadzadə

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90