Demokratlar partiyasından prezidentliyə namizəd Cozef Bayden Corciya ştatında bülletenlərin 99 faizinin hesablanmasından sonra liderlik edir.
Busaat.az xəbər verir ki, bu barədə “Fox News” telekanalı məlumat verib.
Bildirilir ki, Baydenə 2 milyon 449 min 371, rəqibi və hazırkı Prezident Donald Trampa isə 2 milyon 448 min 454 insan səs verib. Bununla da demokrat namizəd 917 səslə irəlidədir.
Qeyd edək ki, 5 noyabrda Tramp təxminən 5 min səs üstünlüyünə sahib idi, lakin sonra tədricən azalmağa başladı. Yenilənmiş məlumatların dərcindən əvvəl təxminən 600 səs var idi.
Telekanalın proqnozuna görə, Corciyada qələbə qazanacağı təqdirdə, Bayden ABŞ prezidenti seçilmək üçün lazım olan 270 seçici səsini qazanacaq. İndiyə qədər kanalın hesablamalarına görə, Bayden Trampın 214 səsinə qarşı ümumilikdə 264 səs toplayıb.
