Blinken Azərbaycan və Ermənistan XİN rəhbərləri ilə müzakirələr aparıb

“Oktyabrın 2-də nazirlər arasında keçirilən görüşü sülh prosesində irəliyə doğru atılmış mühüm addım kimi qiymətləndiririk”.

Busaat.az xəbər verir ki, bu barədə ABŞ Dövlət katibi Antoni Blinken Azərbaycan və Ermənistanın Xarici İşlər nazirləri Ceyhun Bayramov və Ararat Mirzoyan ilə telefon danışığı zamanı Bakı ilə İrəvan arasında fikir ayrılıqlarının aradan qaldırılması üçün atılacaq addımları müzakirə edərkən bildirib.

“Oktyabrın 2-də nazirlər arasında keçirilən görüşü sülh prosesində irəliyə doğru atılmış mühüm addım kimi qiymətləndiririk. Hərbi əsirlərin azad edilməsini yüksək qiymətləndirir və Azərbaycanla Ermənistan arasında problemlərin sülh yolu ilə həllinə kömək etmək öhdəliyimizi bir daha təkrarlayırıq. Diplomatiya irəliyə doğru yeganə yoldur” –deyə, Blinken vurğulayıb.

“Azərbaycan və Ermənistana davamlı sülh sazişinin əldə edilməsi istiqamətində atdıqları müsbət addımlar üçün təşəkkürümüzü bildiririk” –deyə, Dövlət Departamentinin sözçüsü Ned Prays açıqlama verib.

Qeyd edək ki, Sentyabrın 13-ü səhər saatlarında Ermənistan Müdafiə Nazirliyi Azərbaycan ordusunun atəşkəsi pozması barədə məlumat yayıb. Rəsmi Bakı bunun İrəvanın növbəti təxribatı olduğunu bildirib.

Busaat.az