Bursada mebel fabrikində yanğın baş verib

Bursansanın İnegöl rayonunda fəaliyyət göstərən 5 mərtəbəli mebel fabrikinin damında yanğın əmələ gəlib.

Busaat.az xəbər verir ki, bu barədə “TRT Haber” məlumat yayıb.

Bildirilib ki, naməlum səbəbdən başlayan yanğın qısa zamanda dam örtüyünə yayılıb.

Tüstünü görən vətəndaşlar vəziyyəti İnegöl xilasetmə qruplarına xəbər verib. Yanğın yerinə çoxlu yanğınsöndürən və polis qrupları sövq edilib. Alov qonşuluqdakı digər mebel fabrikinin damına keçib.

Komandalar yanğını nəzarət altına almağa çalışır.