“Çelsi”nin qapıçısı Robert Sançes yeni nömrə altında çıxış edəcək

“Çelsi”nin qapıçısı Robert Sançes formasının nömrəsini dəyişib.

Busaat.az xarici mediaya istinadən xəbər verir ki,  “Aristokratlar”ın növbəti oyunundan ispaniyalı 1 nömrəli köynək geyinəcək.

Əvvəllər bu rəqəm beş il ərzində digər ispan qapıçıya – Kepa Arrizabalaqa məxsus idi. Lakin Kepa icarə əsasında “Real Madrid”ə keçdikdən sonra ilk nömrə boş qaldı.

Sançes artıq rəsmi oyunda “Çelsi”də debüt etməyi bacarıb: Premyer Liqanın 1-ci turunda komandası evdə “Liverpul”la (1:1) oynayıb. Qapıçı həmin oyunda 31-ci nömrə altında çıxış edib.

Sançes iki həftə əvvəl “Çelsi”yə 23 milyon avroya keçib. Bundan əvvəl ispaniyalı qolkiper 2015-ci ildən “Brayton”a məxsus idi. Son üç ildə o, 90 matçda çıxış etdiyi “Qağayılar”ın əsas qapıçısı olub. Sançesin İspaniya millisində də bir rəsmi oyunu var.