“Çelsi” yarımmüdafiəçi Moises Kaysedo üçün “Brayton”la razılığa gəlib. Busaat.az xəbər verir ki, bu barədə jurnalist Fabrizio Romano özünün “Twitter” səhifəsində yazıb.
Mənbənin məlumatına görə, bu alış İngiltərə Premyer Liqasında rekord olacaq. “Çelsi” 21 yaşlı yarımmüdafiəçi üçün təqribən 127 milyon avro ödəyəcək. Yaxın bir neçə gün ərzində tibbi müayinə təyin olunacaq.
Futbolçunun “aristokratlar”la 2031-ci ilə qədər müqavilə imzalayacağı və daha bir mövsüm uzadılacağı bildirilir.
2022/2023 mövsümündə Kaysedo “Brayton”un heyətində bütün yarışlarda 43 oyuna çıxıb, bir qol və bir məhsuldar ötürmə edib.
Yarımmüdafiəçinin qağayılar ilə müqaviləsi 2027-ci ilin iyun ayının sonuna kimi hesablanıb.
Transfermarkt internet portalına görə bu futbolçunun təxmini dəyəri 55 milyon avrodur.
Bu arada qeyd edək ki, “Tottenhem Hotspur”un “Çelsi”nin hücumçusu Romel Lukaku ilə maraqlandığı bildirilir
