Çin deeskalasiyaya ümid edir

Çin hakimiyyəti Ukraynanın paytaxtı Kiyevdə partlayışlarla bağlı xəbərləri nəzərə alır və münaqişənin deeskalasiyasına ümid edir.

Busaat.az xəbər verir ki, bu barədə Çin Xarici İşlər Nazirliyinin sözçüsü Mao Ninq bildirib.

“Biz Kiyevdə partlayışları qeyd etmişik. Çin ümid edir ki, gərginlik tez bir zamanda azalmağa başlayacaq” – deyə, çinli diplomat qeyd edib.

Çin diplomatının sözlərinə görə, Pekinin Ukrayna münaqişəsi ilə bağlı mövqeyi dəyişməz olaraq qalır: “Vəziyyətin sülh yolu ilə həllinə yönəlmiş bütün səyləri dəstəkləməyə ehtiyac var. Ümid edirik ki, tərəflər danışıqlar yolu ilə problemi həll edə biləcəklər”.
Mao Ninq qeyd edib ki, Çin Birləşmiş Millətlər Təşkilatının prinsiplərinə uyğun olaraq ölkələrdən bir-birinin suverenliyinə hörmət etməyi gözləyir.