Çin Kəmər və Yol Təşəbbüsü layihələrinin səmərəliliyini artıracaq

Çin rəhbərliyi çoxtərəfli layihələri gücləndirmək məqsədi daşıyan “Bir kəmər, bir yol” Təşəbbüsünün (BRI) həyata keçirilməsi üçün daha səmərəli beynəlxalq əməkdaşlığı təşviq edəcək. 

Busaat.az xəbər verir ki, bu barədə Çin Kommunist Partiyasının (ÇKP) 20-ci Milli Konqresinin sözçüsü Sun Yeli bildirib.

“Biz “Bir kəmər, bir yol” təşəbbüsünün intensiv inkişafının daim yeni effektiv nəticələr verməsini təmin etmək üçün əməkdaşlıq və kapitalın iştirakı prinsiplərinə riayət etməyə davam edəcəyik” – deyə, Yeli deyib.

Sun Yeli qeyd edib ki, BRI geniş beynəlxalq dəstəkdən bəhrələnir və insan cəmiyyətinin formalaşdırılması üçün vacib praktik platformaya çevrilib. O xatırladıb ki, “Bir kəmər, bir yol” təşəbbüsü çərçivəsində əməkdaşlıq edən ölkələr arasında ticarət dövriyyəsi trilyonlarla dollar təşkil edir.

Əlavə edək ki, 2013-cü ildə Çin prezidenti Si Tsinpin tərəfindən irəli sürülən “Bir kəmər, bir yol” təşəbbüsü çoxlu sayda dövlətin cəlb edilməsi, Çin və xarici kapitalın istifadəsi ilə beynəlxalq çoxtərəfli ticarət və investisiya layihələrini aktivləşdirmək məqsədi daşıyır. Artıq 150-dən çox ölkə və 30 beynəlxalq təşkilat bu təşəbbüsə qoşulub.