Çində xəstəxana yandı: 21 ölü
Çinin paytaxtı Pekində yerləşən xəstəxanaların birində xəstələrin qəbulu bölməsində baş verən yanğında 21 nəfərin öldüyü bildirilib.
Busaat.az xarici mediaya istinadən xəbər verir ki, Finqtay qraflığında yerləşən Pekin Çanfinq xəstəxanasında yanğın baş verib.
Beijing Daily-nin xəbərinə görə, indiyədək yanğında azı 21 nəfər ölüb, 71 xəstə təxliyə edilib.
Əraziyə yanğınsöndürmə briqadaları, səhiyyə, təcili yardım və polis qrupları sövq edilib və yanğın nəzarət altına alınıb.
Yanğının səbəbi hələlik məlum olmasa da, hadisə ilə bağlı araşdırmalar davam edir.
Busaat.az
