Banqladeşin cənub-şərqində musson yağışlarının yaratdığı daşqınlarda ölənlərin sayı 57-yə çatıb.
Busaat.az xarici mediaya istinadən xəbər verir ki, bu barədə Fəlakət İdarəsi Nazirliyi məlumat yayıb.
Meteoroloqlar yağışların daha 2 gün davam edəcəyi və çaylarda daşqınların ola biləcəyini söyləyiblər.
Musson yağışlarının səbəb olduğu daşqınlardan təxminən 1 milyon insanın zərər çəkdiyi bildirilib.
Bildirilib ki, daşqınlar nəticəsində çoxlu torpaqlar və yüzlərlə ev zərər görsə də, dəymiş ziyanın qiymətləndirilməsi bir həftədən çox çəkə bilər.
Qeyd edək ki, Banqladeşdə ümumiyyətlə iyun-sentyabr aylarında müşahidə edilən musson yağışları səbəbindən hər il minlərlə insanın həyatı mənfi təsirlənir.
