Elmlər doktoru ürək tutmasından vəfat etdi

image-1691435713_vefatbackend

Azərbaycan Texniki Universitetinin fəxri professoru, pedaqoji elmlər doktoru Müdafiə Cəmil oğlu Mahmudov vəfat edib.

Busaat.az xəbər verir , o, ürək tutmasından dünyasını dəyişib.

Qeyd edək ki, M.Mahmudov 1945-ci ildə Qərbi Azərbaycanın Zəngəzur mahalının Sisyan rayonunun Şıxlar kəndində anadan olub. Azərbaycan Elmlər Akademiyasının Riyaziyyat-Mexanika İnstitutunun tətbiqi riyaziyyat şöbəsində kiçik elmi işçi (1968-1969) vəzifəsində işləyib. 1980-1989-cu illərdə həmin şöbədə baş elmi işçi, 1989-2006-cı illərdə Azərbaycan Texniki Universitetinin Ali riyaziyyat kafedrasında dosent, 2009-2013-cü illərdə Azərbaycan Dövlət Pedaqoji Universitetinin Riyazi analiz kafedrasında dosent vəzifəsində işləyib. “Ali texniki məktəblərdə riyaziyyat kursunun nəzəri və praktiki istiqamətlərdə tədrisinin təkmilləşdirilməsi yolları və vasitələri” (2009) mövzusunda doktorluq dissertasiyası müdafiə edib.
Ətraflı

Azərbaycan Respublikası Təhsil Problemləri İnstitutunun “Ali və orta ixtisas təhsilinin nəzəri problemləri” şöbəsində baş elmi işçi (2013-2014), “Müəllim hazırlığı kurikulumu” şöbəsinin müdiri (2014-2015) vəzifələrində işləyib.

2015-ci ildən Azərbaycan Texniki Universitetinin Riyaziyyat kafedrasının professoru olub. Dərslik, dərs vəsaiti, elmi-kütləvi kitabların və 200-ə yaxın elmi məqalənin müəllifidir. “Ukrayna-Azərbaycan dostluq körpüləri”, “Dnepropetrovsk Milli Universitetinə sədaqətli xidmətinə görə” medallarına və Ukrayna Milli Elmlər Akademiyasının akademiki V.İ.Mossokovski adına fəxri medala layiq görülüb. 2020-ci ildə 3-cü dərəcəli “Əmək” ordeni ilə təltif edilib.

Allah rəhmət eləsin!

image-img_1357

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90