Türkiyə Prezidenti Rəcəb Tayyib Ərdoğan və Rusiya Prezidenti Vladimir Putinin telefon danışığı olub.
Busaat.az xəbər verir ki, telefon danışığı zamanı Türkiyənin dövlət başçısı Dağlıq Qarabağla əlaqədar məsələdə uzunmüddətli sülh yolunda düzgün addım atıldığını bildirib.
Ərdoğan indiki məqamda ən önəmli məsələ kimi Ermənistanın atəşkəsə və ortaq bəyanatın öhdəliklərinə əməl etməli olduğunu vurğulayıb.
Həmçinin, Ermənistanın işğalı nəticəsində Qarabağı məcburi tərk etməli olan azərbaycanlıların öz torpaqlarına qayıtmasının və Azərbaycanla Naxçıvan arasında dəhlizin açılmasının vacibliyini qeyd edib.
