Hindistan Müdafiə Nazirliyi ölkənin qərbindəki Pune şəhərində 23 Afrika ölkəsindən əsgərlərin iştirak etdiyi çoxmillətli hərbi səhra təliminə ev sahibliyi etməyə başladığını açıqlayıb.
Busaat.az xəbər verir ki, Hindistan Müdafiə Nazirliyi Afrika-Hindistan Sahə Hazırlığı Təlimi (AFINDEX-2023) ilə bağlı verdiyi açıqlamada 2008-ci ildə Hindistan-Afrika Sammiti vasitəsilə başlayan təlimin 2015 və 2019-cu illərdə də keçirildiyini bildirib.
Bəyanatda deyilir: “İştirakçı üzv dövlətlər arasında hərbi əməkdaşlıq və məşğulluq birgə işi və Birləşmiş Millətlər Təşkilatının (BMT) sülhməramlı əməliyyatlarına operativ hazırlığı yaxşılaşdırmaq üçün həyati əhəmiyyət kəsb edir”.
Açıqlamada, təlimin məqsədinin sülh və təhlükəsizliyin artırılmasına diqqət yetirərək Hindistan-Afrika əlaqələrini gücləndirmək üçün atılan təşəbbüsləri irəli sürmək və bunun Afrika ordularının bacarıqlarının artırılmasında əməkdaşlıq yanaşmasını təşviq etmək olduğu vurğulanıb.
Dörd mərhələyə bölünən təlimdə iştirakçıların mümkün olan ən yüksək səviyyəli yerli texnikadan istifadə etdikləri bildirilib.
Hindistandan başqa, təlimlərdə Botsvana, Kamerun, Efiopiya, Misir, Ekvatorial Qvineya, Esvatini, Qana, Keniya, Lesoto, Malavi, Mərakeş, Niger, Nigeriya, Konqo Respublikası, Ruanda, Seyşel adaları, Seneqal, Sudan, Cənubi Afrika, Tanzaniya, Uqanda Zambiya və Zimbabve də daxil olmaqla 23 Afrika ölkəsi iştirak edir.
Hindistan martın 28-30-da təlim çərçivəsində Hindistan-Afrika müdafiə nazirlərinin görüşünə də ev sahibliyi edəcək.
