İsrail bir gecədə HƏMAS-ın 750 hərbi obyektini vurduğunu bildirir

İsrail Müdafiə Qüvvələrinə (İDF) məxsus döyüş təyyarələri dünən gecə Qəzzanın şimalında Fələstinin HƏMAS hərbi qruplaşmasının 750 hədəfinə zərbələr endirib.

Busaat.az xəbər verir ki, bu barədə İDF-nin mətbuat xidməti məlumat yayıb.

“İDF gecə ərzində 750 hərbi obyektə, o cümlədən HƏMAS-ın yeraltı terror tunelləri, hərbi birləşmələr və postlar, hərbi komandanlıq mərkəzləri kimi istifadə edilən yüksək səviyyəli terrorçuların iqamətgahları, silah anbarları, rabitə otaqları və hədəfə alınan yüksək səviyyəli terrorçu əməliyyatçılara zərbələr endirib”, – hesabatda qeyd olunub.

“Onlarla qırıcı təyyarə Qəzza zolağında HƏMAS-ın çoxsaylı hərbi obyektlərinə, o cümlədən HƏMAS-ın terror məqsədləri üçün istifadə etdiyi çoxmərtəbəli binada yerləşən 12 HƏMAS hərbi obyektinə zərbələr endirib”, – İsrail ordusu əlavə edib.

Paralel olaraq, xüsusi bölmədən olan İDF əsgərləri Qəzza zolağında minaatan hücumları üzrə ixtisaslaşmış üç HƏMAS əməliyyatçısını hədəfə alıblar.