İtaliya Qəzzaya humanitar yardım göndərib

İsrailin hücumu altında olan Qəzza zolağında fələstinlilərə ümumilikdə 40 ton humanitar yardım göndərilib.

Busaat.az “Milliyet”ə istinadən xəbər verir ki, bununla bağlı İtaliya Xarici İşlər Nazirliyi məlumat yayıb.

Nazirlikdən verilən məlumata görə, İtaliyanın Birləşmiş Millətlər Təşkilatının (BMT) müvafiq təşkilatları ilə mart ayında başladığı “Qəzza üçün qida” kampaniyası çərçivəsində ikinci yardım uçuşu bu gün həyata keçirilib.

BMT-nin Ümumdünya Ərzaq Proqramının (ÜƏP) Brindisi şəhərindəki bazasından 20 ton ərzaq və 20 ton sağlamlıq materialı daşıyan təyyarə İordaniyanın paytaxtı Əmmana uçub. İordaniya rəsmiləri yardımın Əmmandan Qəzzaya çatdırılmasında iştirak edəcəklər.

Zeyd Bağırzadə