Koronavirusa yoluxan Vüqar Orucdan xəbər var

Yeni Azərbaycan Partiyasının növbədənkənar qurultayında kollektiv şəkildə hakim partiyaya qoşulmaqla bağlı qərar verən Milli Qurtuluş Partiyasının sədri, Azərbaycan Qiymətləndiricilər Cəmiyyətinin sədr müavini, “VECON CONSULTİNG” qiymətləndirmə şirkətinin direktoru Vüqar Orucun koronavirusa yoluxması ilə bağlı məlumat vermişdik.

SOSİUM.az-a danışan Vüqar Oruc bildirib ki, hazırda ev şəraitində müalicəsini davam etdirir: “Bir neçə gün öncə həm mən, həm də ailə üzvlərim koronavirusun simptomlarını hiss etdik. Dərhal test verdik və hamılıqla nəticə pozitiv çıxdı. İlk iki gün əlamətlər kəskin olsa da, hazırda vəziyyətimiz stabildir. Ev şəraitində müalicəmizi davam etdirirk”.

V.Oruc qeyd edib ki, koronavirus meydana gəldiyi gündən özünü qorumağa çalışsa da, yekunda bu xəstəlik ona və ailə üzvlərinə də yoluxub: “Bəzən belə idialara rast gəlirik ki, koronavirus yoxdur. Hazırda bu virusa yoluxan biri kimi qəti şəkildə bəyan edirəm ki, bu xəstəlik var və fəsadları da ağırdır. Bu səbəbən hər kəsi koronavirusa ciddi yanaşmağa və maksimum şəkildə qorunmağa çağırıram”.