“Liverpul” və “Çelsi” “Brayton”un yarımmüdafiəçisi Moises Kaysedonu almaq üçün yarışa girib.
Busaat.az xəbər verir ki, bu barədə “The Telegraph”ın jurnalisti Mett Lou öz “Twitter” səhifəsində yazıb.
Mənbənin fikrincə, Moises Kaysedo “Çelsi”yə getmək istəyir.
Xatırladaq ki, daha əvvəl 21 yaşlı ekvadorlu yarımmüdafiəçinin bu həftənin sonuna kimi “Çelsi”nin futbolçusu ola biləcəyi barədə məlumat yayılmışdı.
2022/2023 mövsümündə Kaysedo “Brayton” üçün bütün yarışlarda 43 oyuna çıxıb, bir qol və bir məhsuldar ötürmə edib. Yarımmüdafiəçinin qağayılar ilə müqaviləsi 2027-ci ilin iyun ayının sonuna kimi hesablanıb. Transfermarkt internet portalına görə, bu futbolçunun təxmini dəyəri 55 milyon avrodur.
