Maluda: "İndi Mbappenin "Çelsi"yə keçidinin mənası yoxdur"

Busaat.az xəbər verir ki, “Çelsi”nin və Fransa millisinin sabiq futbolçusu Florent Maluda “PSJ”nin hücumçusu Kilian Mbappenin London klubuna keçidi ehtimalından danışıb.

“Mbappeni “Çelsi”nin forması ilə görmək xəyal olardı, lakin klub “Vest Hem” oyunu göstərdiyi kimi buna hazır deyil. Biz əvvəllər olduğumuz klub deyilik. Mbappe ətrafında səviyyəni və gözləntiləri görəndə, onun hərəkətə keçməsi üçün vaxtın olduğunu hesab etmirəm. Düşünmürəm ki, o, hazırda “Çelsi”ni bir seçim kimi nəzərdən keçirtsin. Amma bəlkə iki-üç ildən sonra “Çelsi” yenidən zirvəyə qalxa bilsə və Çempionlar Liqasına vəsiqə qazansa, onda Mbappenin “Çelsi”yə keçməsi haqda danışa bilərik. İndiki vaxtda bunun mənası yoxdur. Amma bir gün İngiltərəyə gəlsə, ümid edirəm ki, “Stamford Bric”i seçər”, – Maluda söyləyib.

Qeyd edək ki, daha əvvəl Mbappenin “PSJ”dən ayrılaraq, karyerasını “Real Madrid”də davam etdirəcəyi bildirilirdi.