Əvvəllər “Mançester Siti”də çıxış etmiş ingilis yarımmüdafiəçi Koul Palmer “Çelsi”yə keçib.
Busaat.az xəbər verir ki, transfer barədə klubun rəsmi saytında məlumat dərc olunub.
Yarımmüdafiəçi daha bir mövsüm uzatmaq imkanı ilə “mavilər”lə 7 illik müqavilə imzalayıb.
“O, istedadını və potensialını ən çətin vəziyyətlərdə göstərdi və bu yay 21 yaşadək futbolçular arasında Avropa çempionatında İngiltərəni təmsil etdi. Palmer şübhəsiz ki, növbəti addıma hazırdır və biz onu “Çelsi”də görməyə çox şadıq”, – idman direktorları Lourens Stüart və Pol Uinstanli Palmerin bu addımını şərh ediblər.
21 yaşlı Palmer “Mançester Siti”nin məzunudur. Bu mövsüm o, iki qol vurduğu “şəhərlilər”in heyətində üç oyun keçirməyi bacarıb.
Daha əvvəl jurnalist Fabrizio Romano bildirmişdi ki, londonlular hücumameyilli yarımmüdafiəçi üçün “vətəndaşlar”a təxminən 46 milyon avro ödəyəcək, daha 6 milyon avro isə bonus olaraq veriləcək.
