“Mançester Siti” Nunes ilə müqavilə imzaladığını açıqladı
İngiltərənin “Mançester Siti” klubu “Vulverhempton”un keçmiş yarımmüdafiəçisi Matheus Nunesi transfer etdiyini açıqlayıb.
Busaat.az xəbər verir ki, bu barədə klubun rəsmi saytında məlumat dərc olunub.
25 yaşlı portuqaliyalı futbolçu “Citizens”lə 5 illik müqavilə imzalayıb.
Nunes “Vulverhempton”da cəmi bir mövsüm keçirib. Portuqaliyalı yarımmüdafiəçi 2022-ci ilin avqustunda 45 milyon avroya “Sportinq Lissabon”dan İngiltərə klubuna keçib.
Nunes bu mövsüm “Vulverhempton”un heyətində Premyer Liqada iki oyun keçirib və qol vurmayıb.
ESPN daha əvvəl “Mançester Siti”nin Nunesin transferi üçün “Vulves”ə 55 milyon avro ödəyəcəyini bildirmişdi.
Nunes bu yay “Citizens”ə qoşulan dördüncü oyunçudur.
“Mançester Siti” yarımmüdafiəçi Mateo Kovaçiç, müdafiəçi Coşko Qvardiola və hücumçu Ceremi Dokanı heyətinə qatıb.
