Mançini daha 4 il İtaliya millisində
Roberto Mançini daha 4 il İtaliya millisini çalışdıracaq.
Busaat.az xəbər verir ki, bu barədə tanınmış jurnalist Nikola Skira öz Tvitter səhifəsində məlumat verib.
O, italyan mütəxəssislə 2026-cı ilin yayına qədər müqavilə imzalanacağını qeyd edib. 56 yaşlı çalışdırıcının hazırkı sözləşməsi ilə 2022-ci ilin iyununa qədərdir.
Yeni müqaviləyə əsasən Mançininin illik 3 milyon avro maaş alacağı da bildirilib.
Qeyd edək ki, daha əvvəl “Latsio”, “Fiorentina”, “Zenit”, “Qalatasaray” və “Mançester Siti”ni çalışdırmış mütəxəssis 2018-ci ildən İtaliya millisinə rəhbərlik edir.
