“Messi ilə gələcək barədə danışmadıq” – Poçettino

PSJ-nin baş məşqçisi Maurisio Poçettino növbəti dəfə futbolçusu Kilian Mbappedən və “Barselona”nın kapitanı Lionel Messinin transfer ediləcəyi ilə bağlı yayılan xəbərlərdən danışıb.

Busaat.az xəbər verir ki, 48 yaşlı mütəxəssis “Marca” nəşrinə açıqlamasında deyib:

“PSJ Mbappeyə xoşbəxt olması üçün lazım olan hər şeyi verə bilər. Düşünürəm ki, onun gələcəyi ilə bağlı bütün suallara yaxında aydınlanacaq. Messiyə gəlincə isə “Barselona” ilə oyundan sonra onunla sadəcə bir-birimizə salam verdik və sağollaşdıq. Messi ilə gələcək barədə heç nə danışmadıq”.

Qeyd edək ki, PSJ Çempionlar Liqasının 1/8 finalında “Barselona”ya 4:1 hesabı ilə qalib gəlib.