Neymar: "Liqa 1-in səviyyəsinin aşağı olduğunu desələr də, mənin ən çox əziyyət çəkdiyim yerdir"

“Əl-Hilal”ın braziliyalı hücumçusu Neymar Səudiyyə Ərəbistanı çempionatından danışıb.

Busaat.az xəbər verir ki, bu barədə L’Equipe məlumat yayıb.

“Səudiyyə Ərəbistanında futbol eynidir, hər yerdə olduğu kimi top yuvarlaqdır. Bu liqaya daxil olan böyük adları nəzərə alsaq, bu çempionatın Liqa 1-dən daha yaxşı olacağı tamamilə mümkündür. Məşq gərgin keçir. Mən titullar və “Əl-Hilal”la qalib gəlmək istəyirəm. İnsanların nə deməsindən asılı olmayaraq, bu mənim üçün heç nəyi dəyişmir. Dedilər ki, Liqa 1 aşağıdır, amma ən çox əziyyət çəkdiyim yer bura idi. Maraqlı çempionat olacaq və əminəm ki, siz onu izləyəcəksiniz. Uyğunlaşmaqda heç bir çətinlik çəkməyəcəyəm”, – L’Equipe Neymardan sitat gətirir.

Xatırladaq ki, Neymar yay transfer pəncərəsində “PSJ”dən “Əl-Hilal”a keçib.